வரியை செலுத்தாமல் பேராசைப்படக்கூடாது.; விஷாலுக்கு நீதிபதி எச்சரிக்கை

நடிகர் விஷால் ரூ.1 கோடி வரை சேவை வரி செலுத்தவில்லை என கூறப்படுகிறது.
எனவே அவரை விசாரணைக்கு ஆஜராகு மாறு சேவை வரித்துறையினர் பலமுறை சம்மன் அனுப்பி உள்ளனர். ஆனால் அவர் ஆஜராகவில்லை.
இதையடுத்து விஷாலுக்கு எதிராக சேவை வரித்துறை சார்பில் சென்னை எழும்பூர் பொருளாதார குற்றவியல் நீதிமன்றத்தில் வழக்கு தொடுக்கப்பட்டது.
இந்த வழக்கில் நடிகர் விஷால் நேற்று  நீதிபதி மலர்மதி முன்பாக ஆஜரானார்.
அப்போது விஷாலிடம் நீதிபதி மலர்மதி…
சேவை வரித்துறையினர் 10 முறை சம்மன் அனுப்பியும் ஏன் விசாரணைக்கு ஆஜராகவில்லை என்று கேள்வி எழுப்பினார்.
பின்னர் ‘‘பொதுவாக ஆசைப்படலாம். அதில் தவறு இல்லை. ஆனால் உரிய வரியை செலுத்தாமல் பேராசைப்படக்கூடாது’’ என  தெரிவித்தார்.
அதற்கு விஷால் தரப்பு வழக்கறிஞர், ‘‘இது பொய் குற்றச்சாட்டு.எனவே இந்த வழக்கை தள்ளுபடி செய்ய வேண்டும்.
ஆஜராகக்கூடாது என நினைக்கவில்லை. சந்தர்ப்ப சூழல் காரணமாக ஆஜராக முடியவில்லை’’ என்றார்.
அதையடுத்து விஷால் மீதான குற்றச்சாட்டை முழுமையாக படித் துக் காண்பித்த நீதிபதி, இந்த குற்றச்சாட்டை ஏற்றுக் கொள்கிறீர்களா என கேள்வி எழுப்பினார்.
இந்த குற்றச்சாட்டை எதிர்த்து வழக்கை எதிர்கொள்ளத் தயார் என விஷால் தரப்பில் தெரிவிக்கப்பட்டது.
இதையடுத்து இந்த வழக்கு விசாரணையை நீதிபதி வரும் நவ.23-ம் தேதிக்கு தள்ளி வைத்தார்.

Leave a Reply

Your email address will not be published. Required fields are marked *